... summer is over.

Es wird sicher noch ein paar "gschenkte Tage" geben und trotzdem der Sommer ist vorbei. Ich weiß ich bin früh dran ... aber weils so schöne Texte sind:

Querschläger - hirbest
es lab lieg schoa en gåchtn
und es wetta schlågt hiatzt um
a dicke grae nebesuppn
schiab se vor de sunn
es wecht schea långsåm finsta
und auf aomål draht da wind
es is hirbest und mir scheint
daß hiatz a lånka winta kimmp

da nåchbar såg hiatz kimmp a zeit
wo ålls gånz åndascht wecht
mir werdn ålle seahchn
wia da eisnbesn kehcht
i woaß nid wås i sågn sollt
und ob s es redn bringt
es is hirbest und mir scheint
daß hiatz a lånka winta kimmp

de statn werdnt hiatzt lauta
und de lautn werdnt hiatz gscheid
irgendwås is åndascht in de augn va de leit
irgendwås is brochn
daß da såtz aufüba schwimmt
und des måcht ma ångst
daß hiatzt a lånka winta kimmt

aus lauta kloane tupfa
wecht valeib a gånzas bid
åba wånn s d de augn zuahåst
nåchand siehgst d as nid
i heig no schnell mein gåchtn zsåmm
und hoff glei daß nid stimmt
wås i ma denk wås sei wecht
wånn da lånke winta kimmt
(c) fritz messner / roabee music


Querschläge - kimmt da winta
da hirbestwind
is lång schoa då
vablåst de vögl und de fårbn
und iban feld fliang schoa de krah
an ettla tåg und s jåhr is gstorbn

i such an måntl fi mei hechz
am ållahalengtåg
an wårman måntl fi mei hechz
am ållahalengtåg

kimmt da winta deckt mi zua
gånz stat und giatla
mit an rock aus fedang und aus stoa
kimmt da winta deckt mi zua

da erschte reif
lieg auf da erdn
båld is da åcka hecht und gfrorn
und in da stubn
huck ma ban hecht
und håltn ins eiwändig wårm

du bist da måntl fi mei hechz
wånn s wetta draht
a wårma måntl fi mei hechz
wånn da eiswind waht

kimmt da winta deckt ins zua
stat und giatla
mit an rock aus fedang und aus stoa
kimmt da winta deckt ins zua

kimmt da winta deckt ins zua
stat und giatla
mit an rock aus fedang und aus stoa
kimmt da winta deckt ins zua
kimmt da winta deckt mi zua
(c) fritz messner / roabee music